logo

Zeedel

 

Dupf-Club Basel Jungi Garde

 

Nid-Fasnacht 2021

 

S isch Määntig, 4i am Morge und d‘Stimmig
die isch komisch,
D Lambbe brenne, kei Menscheseel nur e
glaine Pierrot stoisch,
Stohtr do in dr Schneidergass, jä är isch grad
vrwacht,
Und goht dorum uff d Suechi, im Pfäffergässli
acht

Doch au dört, oh Schreck, das ka nid syy,
stooht är vor verschlossene Dyyre
D‘ Uhr im Sagg zeigts richtig ah, im Datum
hetr sich nid kenne irre.
Au d‘ Zaiger vo dr Flic-Flac zaige d Uhrzyt
richtig aa
«Das kanni kaim verzelle, heggechtens no em
Fährimaa»

Es knallt und hallt ganz pletzligg
Är fallt, vrliert dr Halt s wird em ketzlig
Bisers schnallt ischm ganz kalt är widersetzt
sich
Do realisertr zwei Sache: 1. S isch nur e
Draum und 2. assr ganz perplex isch.

Schweissbaadet und mit kalter Stirn lyggt är
im Pyjama
Vellig yberforderet und ohni assr e Gedangge
fasse ka
Loht är das Joor revue passiere, vrgange
ysches schnäller, assr hätti dänggt
Doch die fasnächtligge Erinnerige dra, jä die
sinn dräänetränggt

Ahgfange hets mit dr Fasnacht
Zwaidausigzwanzig
Abgsait ysch sy worde, doch das macht
niemert richtig ranzig
Denn uff dr Gass und in de Käller ysch richtig
ebbis loos
Und dert ghersch alli saage, Näggschtjoor
wird ganz famos

«Mir hänn jo none Bummel», gheersch alli
am vrzelle
Dassmr vom Bummel 2022 reede het sich
keine kenne vorstelle
Und dr ganze Reihe nooch, zwick mi, isch das
woor?
Stryyche sy d Kaländerdate vom ganze
Fasnachtsjoor

Wehmietig und mit brochenem Häärz dänggt
dr glai Pierrot an die Zytte
Wonr d Gwääggi no het gseh singe und d
Junteressli rytte
S erschte Moll vorem Böggli stoh, d
Hieroglyphe am entziffere
S erschte Moll dr Gfalle finde am Antlitz
vonere Pfyffere

Mit sine Frynde in dr Stund dr Instruggter
enerviere
Das Gfyyhl, y kas, s lauft alles rund und d‘
Retraite zelebriere
Laarve moole mitem Heppe im Käller vom
Hirzbrunne
Am Cliquegrimpeli s‘ entscheidend Gool, dr
Dupf-Club, dä het gwunne.

Sujet sueche uff dr Wasserfalle näbem grosse
Bänggli uffem Platz
Wennde denn mim Trotti nid ganz aabe
kunnsch, jä denn hauts di halt uffe Latz
Doch dä Schmäärz isch schnäll vrgässe
wennde di nimm kasch heebe vor lache
Am Ööbeli wo sich dr Stamm uff dr Byyhni
zem Aff duet mache

Ihr gsehnd, au ych als Schryyber wird do
genauso emotional
Wie dr glai Pierrot, doch mir hänn kai anderi
Wahl
#blyybdaheimdupfyffe nimms mit Humor
und Spass

Bis am 7. März 2022 im Käller und uff dr Gass

Zum Archiv